នីតិវិធីនាំចេញ នាំចូល

អត្រាពន្ធអនុគ្រោះពីដៃគូពាណិជ្ផកម្ម ក្រោមក្របខ័ណ្ឌកិច្ចព្រមព្រៀងពាណិជ្ជកម្មសេរី (នាំចេញពីព្រះរាជាណាចក្រកម្ពុជា)

អ្នកនាំទំនិញចេញពីព្រះរាជាណចក្រកម្ពុជា អាចស្នើសុំអនុវត្តអត្រាពន្ធអនុគ្រោះ របស់ប្រទេសជាដៃគូពាណិជ្ជកម្ម ក្រោមក្របខ័ណ្ឌកិច្ចព្រមព្រៀងពាណិជ្ជកម្មសេរី ជាមួយព្រះរាជាណចក្រកម្ពុជា។

នីតិវិធីផ្សេងៗ

នីតិវិធីផ្សេងៗ

ការនាំចូល

ពេលទំនិញចូលមកដល់ដែនគយនៃព្រះរាជាណាចក្រកម្ពុជា គ្មានជនណាម្នាក់ អាចរើទំនិញចេញពីមធ្យោបាយដឹកជញ្ជូន មុនពេលបំពេញបែបបទបញ្ចេញទំនិញពីគយឡើយ លើកលែងតែក្នុងករណីមានហានិភ័យផ្នែកសុវត្ថិភាពមធ្យោបាយដឹកជញ្ជូនទំនិញ លើមធ្យោបាយដឹកជញ្ជូន ឬតតិយជនផ្សេងទៀតត្រូវបានគំរាមកំហែងក្នុងល័ក្ខខ័ណ្ឌមានអាសន្ន។

ការនាំចេញ

ទំនិញគ្រប់ប្រភេទដែលនាំចេញ ត្រូវរាយការណ៍នៅការិយាល័យគយនិង​រដ្ឋាករ ឬទីកន្លែងណាមួយតាមការកំណត់របស់រដ្ឋបាលគយ។ រាល់ទំនិញនាំចេញ ទោះជាប់អាករ ឬត្រូវបានលើកលែងអាករនាំចេញក្តី ទំនិញទាំងនោះត្រូវតែជាកម្មវត្ថុនៃការធ្វើប្រតិវេទន៍គយ។

ការឆ្លងកាត់គយ

ការឆ្លងកាត់គយគឺជានីតិវិធីគយដែលអនុញ្ញាតឱ្យដឹកទំនិញពីការិយាល័យគយមួយ ឬទីកន្លែងបញ្ចេញទំនិញដែលមានការអនុញ្ញាតមួយ ទៅការិយាល័យគយមួយទៀត ឬទីកន្លែងបញ្ចេញទំនិញដែលមានការអនុញ្ញាតផ្សេងទៀត នៅក្នុងដែនគយ ក្រោមការត្រួតពិនិត្យរបស់គយ ដោយព្យួរពន្ធនិងអាករនាំចូល ប៉ុន្តែអាចជាកម្មវត្ថុនៃការជាប់បន្ទុក ឬកម្រៃផ្សេងៗពាក់ព័ន្ធ។ 

ការផ្ទៀងផ្ទាត់តម្លៃគិតពន្ធគយ

តម្លៃគិតពន្ធគយលើទំនិញនាំចូល គឺជា​តម្លៃដែលត្រូវប្រើប្រាស់ជាមូលដ្ឋានក្នុងការ​គណនាកាតព្វកិច្ចពន្ធអាករ​គយ ដោយត្រូវយក “តម្លៃគិតពន្ធគយ” គុណនឹងអត្រាពន្ធ។ ពន្ធអាករគយដែលគណនាតាម​វិធីសាស្ត្រនេះត្រូវបានហៅថា “ពន្ធគិតតាមតម្លៃ” (Ad Valorem Duty)

វិធីសាស្រ្តចាត់ថ្នាក់ទំនិញតាមតារាងពន្ធគយកម្ពុជា

វិធីសាស្រ្តចាត់ថ្នាក់ទំនិញតាមតារាងពន្ធគយកម្ពុជា