នីតិវិធីនាំចេញ នាំចូល

វិធានបញ្ជាក់ជាមុន

វិធានបញ្ជាក់ជាមុន (Advance Ruling) ត្រូវបានបង្កើតនិងដាក់អនុវត្តនៅកម្ពុជា ចាប់ពីថ្ងៃទី០៤ ខែមករា ឆ្នាំ២០១៣ ក្នុងគោលបំណងដើម្បីលើកកម្ពស់កិច្ចសម្រួលពាណិជ្ជកម្ម និងដើម្បីធានាថាការបំពេញប្រតិវេទន៍​គយធ្វើឡើងបានត្រឹមត្រូវ ស្របតាមបទប្បញ្ញត្តិជាធរមាន

បញ្ញត្តិពាក់ព័ន្ធទោសទណ្ឌ មានចែងក្នុងច្បាប់ស្តីពីគយ មាត្រា៧២, មាត្រា៧៣, មាត្រា៧៤, មាត្រា៧៥, មាត្រា៧៦ ។ល។

បុគ្គលណាដែលនាំចេញ ឬ នាំចូលឬ ប៉ុនប៉ងនាំចេញ ឬប៉ុនប៉ងនាំចូលទំនិញដោយរំលោភបំពានលើច្បាប់ ឬបញ្ញត្តិនានាត្រូវចាត់ទុកថាបានប្រព្រឹត្តបទល្មើស។ បុគ្គលណាដែលប្រព្រឹត្តបទល្មើសគយ ត្រូវផ្តន្ទាទោសពិន័យរដ្ឋបាលដែលកំណត់ដោយរដ្ឋបាលគយ និងទោសទណ្ឌតាមផ្លូវតុលាការដែលកំណត់ដោយតុលាការមានសមត្ថកិច្ចឬ ទោសណាមួយនៃទោសទាំងពីរ។

ការសម្រុះសម្រួលបទល្មើសគយ

រដ្ឋបាលគយមានសិទ្ធិសម្រុះសម្រួលចំពោះបទល្មើសគយ តាមបញ្ញត្តិមាត្រា ៧៧ នៃច្បាប់ស្តីពីគយ។ សិទ្ធិសម្រុះសម្រួលនេះ ប្រើប្រាស់បានចំពោះតែការពិន័យជាប្រាក់ប៉ុណ្ណោះ។ ការសម្រុះសម្រួលអាចធ្វើទៅបាន តែនៅមុនពេលមានសាលក្រមរបស់តុលាការមានសមត្ថកិច្ចប៉ុណ្ណោះ។

កម្រងអត្ថបទនីតិវីធីបំពេញបែបបទបញ្ចេញទំនិញពីគយ

នីតិវិធីនាំចេញនាំចូលមានលម្អិតនៅក្នុងកម្រងអត្ថបទនីតិវីធីបំពេញបែបបទបញ្ចេញទំនិញពីគយ

ការតវ៉ាប្រឆាំងលើកំណត់ហេតុល្មើសគយ

បុគ្គលដែលត្រូវរងនូវទោសទណ្ឌ ឬ ការឃាត់ទុកនូវទំនិញ មធ្យោបាយដឹកជញ្ជូន ឬ វត្ថុផ្សេងទៀតអាចតវ៉ាជាលាយល័ក្ខណ៍អក្សរទៅ អគ្គនាយកដ្ឋានគយនិងរដ្ឋាករកម្ពុជា ក្នុងអំឡុងពេលសាម​សិប (៣០) ថ្ងៃ ក្រោយពីបានទទួលសេចក្តីជូនដំណឹងពីទោសទណ្ឌ ឬ ការឃាត់ទុក ដោយបញ្ជាក់ ពីមូលហេតុនៃការតវ៉ា និងតម្កល់និមុត្តិធានាស្របតាមបញ្ញត្តិមាត្រា ៤១​ នៃច្បាប់ស្តីពីគយ

ការតវ៉ាលើចំណាត់ថ្នាក់ទំនិញ ដើមកំណើត និងតម្លៃគិតពន្ធគយ

បុគ្គល អ្នកនាំចូល ឬភ្នាក់ងាររបស់ខ្លួន ដែលមិនពេញចិត្តចំពោះការកំណត់ឡើងវិញនូវ ចំណាត់ថ្នាក់តាមតារាងពន្ធគយ ដើមកំណើត ឬ តម្លៃគិតពន្ធគយ ដែលបានកំណត់ក្នុងប្រវេសន៍ ដូចខាងលើ អាចជំទាស់ទៅនឹងការសម្រេចនេះជាលាយលក្ខណ៍អក្សរទៅកាន់អគ្គនាយកនៃអគ្គនាយកដ្ឋាន​គយនិងរដ្ឋាករកម្ពុជា ក្នុងរយៈពេល ៣០ (សាមសិប) ថ្ងៃ គិតពីថ្ងៃដែលទទួលបានប្រវេសន៍។ អគ្គនាយកដ្ឋានគយនិងរដ្ឋាករកម្ពុជាត្រូវឆ្លើយតបនូវសេចក្ដីសម្រេចរបស់ខ្លួនក្នុងរយៈពេល ៦០ (ហុបសិប)ថ្ងៃ បន្ទាប់ពី​ទទួលបានការជំទាស់។ (មាត្រា ២៤ ច្បាប់ស្ដីពីគយ)

ទំនិញហាមឃាត់និងទំនិញជាប់កម្រិតកំណត់

ទំនិញហាមឃាត់ និងទំនិញជាប់កម្រិតកំណត់សំដៅដល់ទំនិញដែល​ជាប់អាយ័ត ឬកម្រិត​កំណត់​ក្រោម លក្ខខណ្ឌលើការនាំចេញ នាំចូល ឬធ្វើការឆ្លងកាត់គយ​អន្តរជាតិ ស្របតាម អនុក្រឹត្យលេខ ១៧ អនក្រ.បក ចុះថ្ងៃទី២៦ ខែកុម្ភៈ ឆ្នាំ២០២០ ស្តីពីការដាក់ឱ្យ​ប្រើប្រាស់​បញ្ជីទំនិញ​ហាមឃាត់ និងទំនិញជាប់កម្រិតកំណត់

មគ្គុទេសក៍ប្រើប្រាស់ប្រព័ន្ធបញ្ជរតែមួយជាតិសម្រាប់ធុរជន

មគ្គុទេសក៍ប្រើប្រាស់ប្រព័ន្ធបញ្ជរតែមួយជាតិសម្រាប់ធុរជន

នីតិវិធីនៃការស្នើសុំលិខិតអនុញ្ញាតគយ

នីតិវិធីសម្រាប់ទំនិញនាំចេញ-នាំចូលជាកម្មវត្ថុនៃការស្នើសុំលិខិតអនុញ្ញាតគយ តាមប្រព័ន្ធបញ្ជរតែមួយជាតិ

នីតិវិធីនៃកិច្ចដំណើរការស្នើសុំលិខិតអនុញ្ញាគយ តាមប្រព័ន្ធបញ្ជរតែមួយជាតិ

សេចក្តីណែនាំបន្ថែមលេខ ១៧២៣ អគរ ចុះថ្ងៃទី១៤ ខែកក្កដា ឆ្នាំ២០២០ ស្តីពីនីតិវិធីនៃកិច្ចដំណើរការស្នើសុំលិខិតអនុញ្ញាគយ តាមប្រព័ន្ធបញ្ជរតែមួយជាតិ