អំពី គ.ជ.ស.ព.

កាតព្វកិច្ច និងការទទួលខុសត្រូវរបស់គណៈកម្មាធិការជាតិកិច្ចសម្រួលពាណិជ្ជកម្ម (NCTF)

គណៈកម្មាធិការជាតិកិច្ចសម្រួលពាណិជ្ជកម្ម (គ.ជ.ស.ព.) មានតួនាទី និងភារកិច្ចសម្របសម្រួល និងតាមដានការអនុវត្តកិច្ចព្រមព្រៀងស្តីពីកិច្ចសម្រួលណិជ្ជកម្មរបស់អង្គការពាណិជ្ជកម្មពិភពលោកដូចខាងក្រោម៖

• សម្របសម្រួល កសាងសេចក្តីព្រាងបទប្បញ្ញត្តិ និង នីតិវិធីចាំបាច់នានា តាមការស្នើសុំរបស់ ក្រសួង-ស្ថាប័ន និងផ្នែកឯកជន ដើម្បីគាំទ្រការអនុវត្តកិច្ចព្រមព្រៀងស្តីពីកិច្ចសម្រួលពាណិជ្ជកម្ម
• ផ្ដល់យន្តការប្រឹក្សាយោបល់ពាក់ព័ន្ធនឹងការអនុវត្ត បទប្បញ្ញត្តិ និងនីតិវិធីរៀបចំវគ្គបណ្តុះបណ្តាល សិក្ខាសាលា និងកិច្ចប្រជុំពិគ្រោះយោបល់ ដើម្បីឱ្យការអនុវត្តបទប្បញ្ញត្តិ និងនីតិវិធីពាក់ព័ន្ធនឹងកិច្ចសម្រួលពាណិជ្ជកម្មមានភាពសាមញ្ញ មានស្តង់ដា និងងាយអនុវត្ត
• ទំនាក់ទំនងសហការជាមួយអង្គការអន្តរជាតិ និងដៃគូអភិវឌ្ឍន៍ពាក់ព័ន្ធ ដើម្បីកៀរគរ និង សម្របសម្រួលធនធាន ដើម្បីអនុវត្តកិច្ចសម្រួល ពាណិជ្ជកម្ម
• បង្កើតគេហទំព័រ ដើម្បីចែករំលែកព័ត៌មានស្តីពីបទប្បញ្ញត្តិ និងនីតិវិធីដល់សាធារណជន
• លើកគម្រោងថវិកាចំណាយសម្រាប់កិច្ចដំណើរការ គ.ជ.ស.ព.
• រៀបចំរបាយការណ៍ស្តីពីវឌ្ឍនភាពនៃការអនុវត្ត កិច្ចព្រមព្រៀងស្តីពីកិច្ចសម្រួលពាណិជ្ជកម្មជូន គណៈកម្មាធិការគោលនយោបាយសេដ្ឋកិច្ច និង ហិរញ្ញវត្ថុ
• បំពេញភារកិច្ចផ្សេងទៀតតាមការកំណត់របស់ប្រធាន គ.​ជ.ស.ព.

រចនាសម្ព័ន្ធគ្រប់គ្រង (តួនាទី និងការទទួលខុសត្រូវរបស់លេខាធិការដ្ឋាន គ.ជ.ស.ព.)

• សម្របសម្រួល និងតាមដានការអនុវត្តការងារ របស់ក្រុមការងារបច្ចេកទេសក្រោមឱវាទ គ.ជ.ស.ព.
• គ្រប់គ្រង និងអនុវត្តការងាររដ្ឋបាលទូទៅរបស់ គ.ជ.ស.ព.
• រៀបចំកសាងផែនការសកម្មភាព និងយន្តការត្រួតពិនិត្យ និងវាយតម្លៃការអនុវត្តកិច្ចព្រមព្រៀងស្តីពី កិច្ចសម្រួលពាណិជ្ជកម្ម
• រៀបចំផែនការថវិកាសម្រាប់ចំណាយលើការងារចាំបាច់នានា ដើម្បីស្នើសុំដាក់ក្នុងកញ្ចប់ថវិកាប្រចាំឆ្នាំរបស់ក្រសួងសេដ្ឋកិច្ច និងហិរញ្ញវត្តក្នុងការធានា បាននូវនិរន្តរភាពនៃកិច្ចប្រតិបត្តិការរបស់ គ.ជ.ស.ព.
• ចងក្រង ថែរក្សា និងផ្សព្វផ្សាយលិខិតបទដ្ឋានគតិយុត្ត និងឯកសារពាក់ព័ន្ធ
• សម្របសម្រួលរៀបចំវគ្គបណ្តុះបណ្តាល ឫសិក្ខាសាលាស្តីពីកិច្ចសម្រួលពាណិជ្ជកម្ម
• រៀបចំកិច្ចប្រជុំ និងធ្វើរបាយការណ៍វឌ្ឍនភាពការងារអនុវត្តកិច្ចព្រមព្រៀង WTO-TFA និងរបាយការណ៍ផ្សេងទៀតតាមការកំណត់របស់ប្រធាន គ.ជ.ស.ព.
• ជាចំណុចទំនាក់ទំនងថ្នាក់ជាតិជាមួយគណៈកម្មធិការជាតិកិច្ចសម្រួលពាណិជ្ជកម្មនៃអង្គការពាណិជ្ជកម្មពិភពលោក
• បំពេញភារកិច្ចផ្សេងទៀតតាមការណែនាំរបស់ប្រធាន គ.ជ.ស.ព.

តួនាទី និង​ភារកិច្ច​របស់ក្រសួង​-ស្ថាប័ន​ពាក់ព័ន្ធ

យោងតាមមគ្គុទ្ទេសក៍ស្ដីពីគណៈកម្មាធិការជាតិកិច្ចសម្រួលពាណិជ្ជកម្ម នៃអង្គការគយពិភពលោក ចុះខែ មីនា ឆ្នាំ២០១៦ មានបទប្បញ្ញត្តិនៃកិច្ចព្រមព្រៀង WTO-TFA ប្រមាណ ៩៨% ពាក់ព័ន្ធនឹងគយ។ ទោះជាយ៉ាងណាក៏ដោយ ក្រសួង-ស្ថាប័នពាក់ព័ន្ធ នៅតែមានតួនាទីសំខាន់នៅក្នុងការអនុវត្តបញ្ញត្តិនៃកិច្ចព្រមព្រៀងនេះ។ ជាក់ស្តែង មានបទប្បញ្ញត្តិប្រមាណ ៣០% ជាបញ្ញត្តិពាក់ព័ន្ធនឹងស្ថាប័នគយទាំងស្រុង មានន័យថាមានបទប្បញ្ញត្តិប្រមាណ ៧០% ពាក់ព័ន្ធនឹងក្រសួង-ស្ថាប័នមានសមត្ថកិច្ចលើការនាំចេញ-នាំចូល